හිම මිදුණු සඳ කැල්ම…. – චන්දන ගුණසේකර

No Comment 361 Views

සඳ එළිය ගලා විත් සිඹියි සුදු හිම පලස

මැවෙන මහ අසිරියෙන් සැලෙයි සන්සුන් මනස
නෙතු මදිය විඳ ගන්න ඇද හැලෙන රස කලස
මෙය නොවෙද මෙලොව ඇති සොබා දහමේ රහස

සඳ කැල්ම දෙගුණ වේ හිම වතේ මදහසින්
සුයාමයෙ සුව දැනේ මිහි මවුන් අනුහසින්
ඇවිද යමි කිරි දියේ නැහැවෙනා අදහසින්
තුරු වඳුලු අත වනයි කිති කැවී සිසිලසින්

දිවා රෑ මාරු වූ විහඟ ගී ගායනා
සවන් පත් මත රැඳෙයි බිඳලමින් භාවනා
ගල් ගැහුණු තණ පඳුරු කරයි බොරු චෝදනා
විඳිණු හැර සඳ සිසිල කිම දුකට කාරණා

පුන් පෙහෝදා හිමෙන් වැසී ගිය ලංඩනයේ සිට

 

In : කවි

About the author

Leave a Reply

Your email address will not be published. Required fields are marked (required)