වංකගිරියට නොව
ශ්‍රී රම්‍ය නගරයට
යන්න මට ඉඩ දෙන්න
ක්‍රිශ්ණගේ පෙලවහට
දෑවැද්ද සපුරන්න
ජාලියට ශිල්ප දී
මඟ පෙන්වලා දෙන්න
ජූජකයො හැමතැනම
දෙන්න බේරාගන්න
ගම්දනව් ගන්න නොව
රන්රිදී ලන්න නොව
පාරමී පුරන්නට
කුලී ණය පොලි ගෙවා
මියෙන්නට
සිව්දසක් කාලයක්
දුෂ්කරව හම්බකල
උගත්කම් ගුණධර්ම
පිළිකන්නෙ අඩුක්කර
කාත් කව්රුවත් ගැන
වගක් කිසි බහක් නැති
ඈත නොරටක පිහිටි
ශ්‍රී රම්‍ය පුරවරේ
බැලමෙහෙවරට සොඳුර
මන්ද්‍රි යන්නට දෙන්න
දුෂ්කරව හම්බකල
උගත්කම් ගුණධර්ම
පිළිකන්නෙ අඩුක්කර
කාත් කව්රුවත් ගැන
වගක් කිසි බහක් නැති
ඈත නොරටක පිහිටි
ශ්‍රී රම්‍ය පුරවරේ
බැලමෙහෙවරට සොඳුර
මන්ද්‍රි යන්නට දෙන්න
වංකගිරියට නොව
ඒ සුරම්‍ය නුවරට
යන්න මට ඉඩදෙන්න
Leave a Reply
Your email address will not be published. Required fields are marked (required)