හැම අගෝස්තුවකම – රසිකා ගුණවර්ධන

No Comment 77 Views

හැම අගෝස්තුවකම
ග්‍රීෂ්ම ඉර අව්ව මැදින් විත්
කවුළුව යටින් තබා යයි
සුබ පැතුම් ලිපියක් ඔබ.

එවූ ලිපිනයක් නොමැතිව
ලබන ලිපිනය සඳහන්ව
දකුණට ඇලවූ අත් අකුරු
දැන් මඳක් විරූපිය වියපත්ය.

කියන්නට කොතෙක් දේ වේද
නොකියාම නිහඬ වෙමි.
පෙර අගෝස්තුව ලිපිය මත
මේ අගෝස්තුව අතුරමි.

ග්‍රීෂ්මය,වසන්තය,සිසිරය
තව වරක් පසු කරමි
ඊළඟ අගෝස්තුව තෙක්
ළය හැඬුම් වළකමි.

පියවර හඬක් ඇසුනත්
කවුළු දොර නොඅරිමි
ඔබට රිසි අයුරින්
ප්‍රේමයට ඉඩ දෙමි.

ආදරෙයි,ආදරෙනි
බොඳවූ අකුරු කියවමි.
ආදරෙයි,ආදරෙනි
සිහින් ස්වරයෙන් මුමුනමි .

In : කවි

About the author

Leave a Reply

Your email address will not be published. Required fields are marked (required)