ඉගැඹුරුම ළිං පතුළ අමා පැන්
දියත් කර පනිට්ටුව සීරුවෙන්
ඉස්සිලා පා ඇගිලි තුඩු වලින්
ගොඩට ඇද ගත යුතුයි වීරියෙන්
ළිං පත්ළ ඇදි ඔබේ පිළිඹිබුව
කැබැලි කැඩි කැඩී උඩ එනු ඇතිය
මදක් විත් විසිරෙණා දිය බිදිති
වැටී යළි සරැළි නංවනු ඇතිය
කුවණ්නා සේම පිටමං කළොත්
යකින්නක වග පසක් කළ යුතුය
දහවලෙහි නොව අදුරු මහරැයේ
තිරය වී දැවී දැල්විය යුතුය
මිට අගින් අතට දෙන කඩු වුණත්
අපේ පපු වලම දැවටිය හැකිය
තියෙන තරමට කඩුව අපි ළගම
දෙදෙනාම පරෙස්සම් වනු ඇතිය
මං වුණත් දැන් බොහොම කාලයක්
කිළි නැතුව හොදට ගිනි පෑගුවා
එනිසාම රන්දෝලි පෙරහැරේ
ඉදිරියෙන් දුවේ නුඹ වඩිනවා
සිදුහත්ව කියවලා නැති අයත්
පතිනියට බිම්බා ම පතනවා
ලොක්කියේ අහගනින් උඹට තව
නංගිලා තුන් දෙනෙක් ඉන්නවා..
Leave a Reply
Your email address will not be published. Required fields are marked (required)